#جامعة_بوخوممن جامعات النظام القديم اللي فيها تقديم الفيزيكوم والطب فيها Staatexamen
رابط الجامعة من هنا
التقديم فيها فقط ع شتوي وبيعتمد بالدرجة الاولى ع ابيتور (1.0) وكمان تكون السيرة الذاتية مافيها كتير فراغات زمنية وبعدا بيجي اللغة وتسيت الاس..
بتقبل كفحوصات لغة داف او dsh او تيلك وماعندا تحديد لدرجتهم..
وبتاخد نسبة اجانب كتير منيحة وبما انو السوريين بمعدلات ابيتور عالية لهيك في تجمعات سوريين كبيرة بالجامعة ( ع دفعتي كنا تقريبا 16 سوري وبالاضافة لعدد اجانب غيرنا)
مواد الفصل الاول تقريبا هي مواد اساسية تعريفية اللي هنن:
Anatomie1, Biologie, Physik, Chemie, Terminologie, Psyschlogie
😕😕وبعدا الفصول 2&3&4 فيهم مواد ع شكل متسلسل
Anatomie, Physiologie, Biochemie ومواد صغيرة غيرهم
بالاضافة لانو في جلسات POL &Ärztliche Fertigkeiten ع كذا فصل (كل اسبوعين مرة تقريبا ومالهم فحص اول فصلين)
بالفوركلينيك منظم بحيث ينعطى دائما نفس الموضوع بالتشريح والفيزيولوجيا بنفس الوقت بشكل متوازي
الدكاترة يعتبرو اغلبهم متفهمين جدا وكتير مناح وممكن الشخص ببساطة يفهم محتوى المحاضرات حتى لو لغتو ضعيفة شوي..
والميزة الحلوة انو الجامعة عاملة اشتراك مع Amboss & Thieme online وكل طلابها بيدخلولهم مجانا
وقت التسجيل بيستلم الطالب البطاقة الجامعية وورقة فيها كلمة سر للبطاقة مشان اذا بدو يطالع Studienbescheinigung او ورقة المواصلات او اي شي بيحتاجو من كمبيوترات الكلية فيما يخص وراقو..
واول يوم بيفعل البطاقة من كمبيوترات المكتبة الجامعية وبيحط باسوورد مشان اذا ليفتح حساباتو او ايميلو بالبيت
وكمان بيستلم ايميل جامعي والدكاترة مابترد غير عالايميلات تبعية الجامعة.. اللينك للدخول هنا
وكمان بيستلم اسم مستخدم مشان يدخل فيو ع الMoodle محل مابتنزل عادة المحاضرات باللينك التالي
وفينو يدخل فيو كمان ع حسابو الجامعي ويشوف ب ihr Prüfung مثلا نتائج الفحص وورقة اجابتو وب Schwarzes Brett اي شي جديد عم يصير ب جامعة.. وكمان حالتو الجامعية واي فصل هو وهالقصص.. بالاضافة لاتو فينو يتابع تحديثات الجامعة ويصيرو يبعتولو ايميل ليشوفها دغري لما بتنزل اذا عمل متابعة ضمن Emails& Abo وهنيك بيحدد بالضبط شو ليتابع واي فصل.. كل هاد بالرابط التالي
واستعارة الكتب بتم فقط بالمكتبة العامة تبعية الجامعة.. اما مكتبة الكلية فهي مكتبة صغيرة بتسمح ب قراءة الكتب داخل المكتبة اما الاستعارة مسموحة فقط من مساء يوم الجمعة حتى صباح يوم الاثنين..
وقت الاستعارة من مكتبة الكلية في اللينك التالي ليشوف الواحد اديه بقي معو مدة او مثلا ليمدد الاستعارة منو
👈 من هناالجامعة محددة عدد محاولات تقديم اي مادة 4 محاولات وبعدا التانية مسموح للطالب لو بدو يقدم المادة شفهي بدل كتابي..
طبعا المرة الاولى اجبارية الاا بحال تقرير طبي وبعدا في دورة اعادة بين الفصلين.. وبحال الشخص حمل المادة راحت للسنة اللي بعدا (مواد الفصول الفردية بس بالفصول الفردية وهيك)
مشكلة برنامج دعم الريف:هي شغلة مزعجة وما بعرف اذا موجودة بمكان تاني، الفكرة انه كلية الطب ببوخوم مافيها مشفى جامعي واحد وانما عدة مشافي موزعة بالمدينة، وهي بحد ذاتها مو نقطة ايجابية، قاموا من كم سنة قرروا يزيدوا السعة عبر إنشاء المزيد من المشافي بس بمناطق ريفية بنفس الولاية، تحديدا بمدينة Minden و3 قرى حولها (بسموه Campus OWL) ، ومنه مشان دعم الريف بسبب نقص الكادر فيه
هالشي كان معناه زيادة عدد الطلاب المقبولين بالفصل الاول، وكمان ارسال هالعدد الزايد إلى مندن بالمرحلة الكلينيكية، ابتداء من الفصل السابع حتى نهاية الدراسة (السنة الأخيرة بشكل طبيعي حرة، يعني فعليا 4 فصول رح يقضيهم هناك اكيد)
العدد هاد هو 60 طالب، وكل طالب بينقبل بالبداية بيوقّع على انه موافق على احتمال انه يكون واحد من هال60 ..
بشكل طبيعي في ناس بتتطوع تروح لانه بكون أقرب على سكنها أو هن بيحبوا التغيير، بس في حال عدد المتطوعين ما كمل 60 بيعملوا قرعة على البقية ليكملوه، من سنتين كان عدد المتطوعين فوق 60 وما احتاجوا لقرعة، بسنتنا تطوع 30 وأخدوا 30 بالقرعة، يعني حوالي عُشر الدفعة تم اختياره بالقرعة، والقرار صارم جدا ومافي مجال للاعتراض الا بشكل محدود وصعب كتير
هلأ فعليا مو مبين أيا مكان احسن، كل اللي شافوا مشفى مندن حكوا نفس الانطباع انه كتير شكله جديد ومحترم وأكابري، بس بتضل المشكلة هي قلة الخدمات متل السكن الطلابي المحدود او المواصلات المحدودة او المكتبة الصغيرة، بالاضافة الى انه شغلة مزعجة انه الواحد ينتقل غصبا عنه
القرعة بتصير بالفصل الخامس والنقل بالسابع
الامتحانات بتكون موحدة بالمكانين وبيكتبوها دكاترة من الجهتين يعني من Campus Bochum & Campus OWL يلي تنينانهم تابعين لجامعة بوخم
ويفترض جودة التدريس تكون نفسها، عمليا ممكن تكون بوخم احسن وممكن تكون مندن احسن كونها جديدة وصغيرة وتنظيمها اسهل، لسا مو مبين كتير
في طبعا خيار النقل من مندن لجامعة تانية
المهم هي اجمالا شغلة مزعجة ومانها باليد، من الجيد الواحد يحطها بباله اذا طلعتله بوخم وخيار تاني..
مافي غير مصلى واحد ضمن كلية الفيزياء وهو غرفة صغيرة..
اما عن مكان الجامعة موجودة ع طرف المدينة وبعيدة عن البانهوف تقريبا ربع ساعة بالاوبان..
السمستر تيكيت Semesterticket هي نفسها البطاقة الجامعية ضمن منطقة الVRR وفي ورقة جانبية عليها كود مشان بقية المقاطعة ومدينتين صغار من هولندا.. والسمستر تيكيت مع الورقة الجانبية يعتبروا متل بطاقة ال2000 ضمن الVRR يعني فينو الشخص يطالع معو حدا بعد ال7 وايام العطل
😅وطبعا الرسوم الفصلية مرتفعة بسبب البطاقة وهي تقريبا 325 يورو وكل فصل بيزيدو شوي
🙄ترتيب الجامعة تقريبا متوسط مع ارتفاع اخر 10 سنوات بمستواها..
الجامعة عبارة عن كامبوس واحد بس والسكن الجامعي جنبها.. للاطلاع عليه في هاد اللينك الو
👈 من هناالتسجيل طبعا اونلاين وبعدا بيروح الطالب ع مكتبهم وبيختار ب اي شارع عم يبحث وبيعطوه عروض سعر وبيختار..
بالنسبة لمواصلات الجامعة الوضع نوعا ما مريح لانو لجانب الاوبان موجود كذا باص بيوصلو للمدن اللي جنبها متل Witten, Wuppertal وكذا مدينة مو حفظانتهم
وموفقين
Tags:
الحياة في ألمانيا